EU wan join body with Nigeria on to abroad waka mata

For inside celebration for “Europe Day 2018” in Abuja, na im de EU Ambassador and head of delegation to Nigeria, Ketil Karlsen, talk on value wey go good to both de EU and Nigeria wey fit come from make dem build on top de cooperation and collaboration wey don dey ground for areas of waka abroad, security, trade and democracy.

Karlsen agree say as true working hand-in-hand on plenti matter dey between EU and Nigeria, na im make deir partnership beta, and na now dem need am more dan eva before.

On top de issue of irregular waka abroad to europe, de head of the eu delegation lament, “My heart sink wen I see de kain disgraceful conditions of Nigerians wey corrupt traffickers don cheat, some dey die inside desert, some dem dey treat bad inside detention camps in Libya, some dey drown inside Mediterranean sea and some dey face very difficult conditions wen dem arrive in Europe.”

He also note dat de EU don arrange de safe return of about 8,140 Nigerians since 2017 and dat de EU dey engage partners across Nigeria make dem find solutions to address de challenges and dem dey ensure say de partners dey invest in de youth, as dem dey tell dem about how to waka abroad positively, but dey discourage trafficking and exploitation.

“We must to stand togeda to find solution. We must to follow up on de call by President Buhari to European partners to find solutions to dis immediate problem, and make we arrange am well, so dese matters no go repeat in de future,” he said.

On de issue of irregular waka abroad, Nigeria’s minister of foreign affairs Geoffrey Onyeama dat de issue deep and talk say de Nigerian government dey do everitin wey it fit do to encourage Nigerians make dey waka abroad legally.

Onyeama disclose Nigeria’s expectation about working with de EU to create agreement on regulation dat go make am easier for waka abroad pipu to travel legally to European countries but it go discourage others wey wan take dangerous irregular ways.

De minister talk say de Nigerian government get plans to provide vocational training programmes and to develop oda options wey go epp build skills dat go encourage Nigerians to stay for home and grow de economy.

De Nigerian senate president Mr. Bukola Saraki note de Nigerian Senate dey consider de use of legislation to give more power to de National Agency For De Prohibition Of Trafficking In Persons (NAPTIP) and to srengthen de process wey go stop illegal waka abroad from where it dey start, instead of when dem wan enter anoda person country.

Photo caption: Ketil Karlsen delivery his speech, while Senate President, Bukola Saraki and Wife, as well as Mrs Karlsen watch. Photo Credit: Premiumtimesng.com

TMP – 07/06/2018