50 migrants don die for boat accident wey happen for Tunisia Coast

We don get report say 54 kurukere travelers wey wan enter Italy don die for inside water wey dey near de city wey dem dey call Sfax for Tunisia. Na last month na im dis one happen, wen de boat wey dey carry dem pafuka for inside de water.

De Defence Ministry for Tunisian don talk say 13 men and women n aim dem don find out of de 54 persin wey dey for dat accident. Before dat one happen for dat same week, dem don find dead bodi of two pikin and 20 old pepul wey water carry comot ouside for Kerkennah Islands. Dem come talk say dem still find another 19 dead bodies for water wey dey near dat Island.

Dem talk say de accident happen wen de boat wey carry African kurukere trallers, dey try follo Tunisia take enter Europe. Dat coast for Tunisia don become hot place wey many many kurukere travelers wey wan enter Europe dey follo.

TMP_ 13/07/2020

Photo credit: Shutterstock/Juanamari Gonzalez

Photo caption: Small boat used for illegal immigration, found on the beaches of Tarifa Cadiz