Dem fit fine Poland, Hungary and Czech Republic on top refugee mata

Poland, Hungary and de Czech Republic dey face possible fine afta a European Court rule against de kountries for failing to give chance to asylum seekers to stay wey arrive for inside southern Europe. 

Dem see say de kountries don break de EU law afta dem refuse to accept deir compulsory quota of up to 160,000 of de asylum seekers wey just arrive for Greece and Italy for de height of de 2015 waka abroad crisis. De Czech Republic take just 12 asylum seekers, while Hungary and Poland no gree take any single persin. 

Hungary’s Minister of Justice, Judit Varga as im dey refer to de failed quota system of distributing asylum seekers to different European kountries talk say almost none of de member state don fully do deir 2015 quota agreements.

Ms. Varga talk say Hungary no get “any obligation to take asylum seekers,” as she talk am for Twitter say de E.U’s “compulsory relocation system of waka abroad pipu don die.”

TMP_ 15/04/2020

Photo Credit: Shutterstock/Elvira Koneva

Photo Caption: Judges wooden gavel with EU flag in the background. Symbol for jurisdiction. Wooden gavel on European union flag.