Libyan coast don gbab 83 migrants wey wan enter Europe

De tori wey dey ground be say Libyan coast guard don gbab 83 migrants wey wan folo water take enter Europe. De coast guard com carry dem go trowe for inside prison wey dey for western Libya.

Na mouth wey talk for United Nation agency, wey be de International Organisation for Migration (IOM), Safa Mselhi, na im bring dis tori com out.

Mselhi talk say na only one woman n im folo for de migrant wey com from Sudan and Eritrea.

She com talk say dis one na im go make de number of pesin wey dem don gbab and carry trowe for inside prison since dis year reach 6000.

TMP_ 01/08/2020

Image Credit: Shutterstock/Sakhorn

Image Caption: Migrant wey dey show im hand for inside prison