Waka waka abroad people don get better life for Nigeria

Some Nigerian waka abroad pipu wey dem return from Libya afta dem don dey fail to cross de sea to Europe dey receive training so dem fit readjust psychologically, socially and economically back inside Nigerian society.

Afta wetin dem don experience for inside desert, Libya and plenty oda countries, need dey make dem recover, readapt and become equipped make dem dey useful inside de Nigerian economy.

In Libya, many of dese waka abroad pipu don dey condemned say dem dey involved in guns or drugs business, robbery and sex work. Some wey return sef dey used as slaves before dem carry dem come back to Nigeria.

U no fit see de difficult experiences for de faces of dese returnees, and dat na why de training dey so urgent. It is hoped dat afta de process, returnees go begin see demselves as pipi wey go bring change come. De training sef na to discourage more irregular migration.

According to Osita Osemene, de lead trainer for de reintegration training programme for Nigerian waka abroad returnees, na ova 700 returnees don benefit from de training.

De programme dey jointly sponsored by de European Union and de International Organization for Migration (IOM) Initiative on Migrants’ Protection and na de Federal Government of Nigeria, under de National Commission for Refugees dey coordinate and monitor am.

De main purpose of de training, according to Osemene, na to refocus de mindset of de returnees, so dem go fit enter inside society again and go be able to fully benefit from de process. Dis eventually go give dose who complete the training successfully de means to build or re-build dey way dem go dey make money or do business.

According to Osemene, dose wey don successfully complete de training programme go be checked to see which kain career option dem get and dem go group dem before dem go settle dem. De lead trainer talk say,

“We still get difficulties to make sure dat na almost everi one wey we train na im get access to de support. “Dey are put inside de various groups of business dat dem don identify to get involved in, like welding, hairdressing, furniture making, fish farming, and buying and selling and odas.”

Osemene come explain dat about three to five people go dey in one group and wen dem don provide documents like utility bill, national identity cards, shops or empty land, plus including de invoice from de suppliers of de materials dey wan use for de business, den IOM go release money to de supplier, who go supply de materials to dem.

Returnees dey monitored by de funding agencies through de Federal Government of Nigeria’s National Commission for Refugees, Migrants and Internally Displaced Persons to make sure say wateva venture d returnee choose to do go last.

TMP – 06/06/2018