Pope Francis beg de world to support migrants
Pope Francis wey be oga patapata for Catholic Church for de world don dey beg de world say make dem dey pray and helep migrants, refugees and de pepul wey run comot for dea community, wey be IDP, becos peace no dey dea.
Na as de Pope de conduct Sunday mass wey be Sunday Angelus for 27 September to take rememba de 2020 World Day of Migrants and Refugees, na im e com dey tok dis one.
As de Pope com tok say im govment wey be papacy go focus for any mata wey concern migration, e com dey yan say migrants and de pepul wey run comot for dea community becos peace no dey dea dey live for fea. And becos of dat, e com tok say dem need make pepul dey support dem all de time.
De UNHCR don tok say e pass 45.7 million pepul wey don run comot for dea community becos peace no dey dea.
Photo credit: Shutterstock/Michele Brusini
Photo caption: Refugee settlement in Greece