Ova 1,000 waka abroad pipu die for Mediterranean route for 2019, talk IOM

Na at least 1,040 waka aborad pipu and refugees wey die for de three main Mediterraneam Sea waka abroad route between 1 January and 3 October 2019, according to report on 4 October by de International Organization for Migration (IOM). De numba of deaths during de same period for 2018 na 1,890.

According to de data wey de UN agency collect, 660 deaths dey recorded for de Central Mediterranean route, 315 for de Western route, and 66 for de Eastern Mediterranean route.

Since 2014, everi year, na more dan 1,000 deaths dem dey record for de Mediterranean sea, with total wey pass ova 18,960 deaths ova de last six years.

“For de back of de arrival data be men, women and shidren wey dey lead life wey dey very difficult, and dem don face ogbonge painful experience,” talk Laurence Hart, Director of IOM’s Coordination Office for de Mediterranean.

De Mediterranean Sea kontinue to be wan of de most ogbonge waka abroad routes. For July 150 irregular waka abroad pipu die or miss while dem dey try to reach Europe by crossing de Mediterranean Sea. De UN describe de matter as “de worst Mediterranean tragedy of dis year.” 

De IOM report also note say 72,263 waka abroad pipu and refugees don cross de Mediterranean Sea into Europe during 1 January to 2 October 2019. Dis na 14 percent decrease from de same period for 2018.

Greece and Spain receive about 78 percent of de regional amount of waka abroad pipu arrivals, with 39,155 and 17,405 dis year each. Malta, Cyprus and Italy receive lesser waka abroad pipu arrivals.

Dere don be bilateral efforts between Italy and Libya make dem discourage Mediterranean crossings. De Libyan coastguard, with Italian support dey patrol de kountry’s ports and territorial waters, arresting irregular waka abroad pipu wey dem find en route go Europe and make dem dey send dem to detention centres.

TMP 04/11/2019

Photo credit: By Nicolas Economou

Photo caption: Lesvos island, Greece – 29 October 2015. Syria waka abroad pipu/ refugees arrive from Turkey on top boat thru sea with water wey cold near Molyvos, Lesbos on top overload dinghy leaving Syria wey get war – Image