یۆنان؛ هەزاران کۆچبەر بێماڵ بوون بەهۆی سوتانی کەمپی مۆریا

نزیکەى 13 هەزار کۆچبەر بێماڵ بوون دوای ئەوەى ئاگرێکی بەهێز گەورەترین کەمپی کۆچبەرانی ئەوروپای لەسەر دورگەی لیسبۆس لە یۆنان خاپور کرد.

ڕۆژی 8ی ئەیلول، کەمپی مۆریا ئاگری گرت کە خۆی تەنها توانای لەخۆگرتنی سێ هەزار کۆچبەری هەیە. دانیشتوانەکەی کەمپەکەیان بەجێهێشت و هەندێکیان بەهۆی دوکەڵەوە بریندار بوون.

هەرچەندە هێشتا ڕوون نییە ئاگرەکە بە چ هۆکارێک بووە، بەڵام میکایڵ فراتئیسکۆس، جێگری قائیمقامی بۆ پاراستنی مەدەنی جەختیکردووەتەوە کە ئاگرەکە پلان بۆ داڕێژراو بووە.

پڕۆژەى کۆچبەر-9/09/2020

خاوەنی وێنە: تۆڵگا سێزگین

ناونیشانی وێنە: هەزاران پەنابەر و کۆچبەر هەوڵی چوونەناوەوەی یۆنان دەدەن لە سنوری ڕۆژهەڵاتی تورکیاوە. 30ی ئازاری 2020 لە ئیدرنە.