Greece: Many migrants no get home becos fire don destroy dia camp

Migrants wey go reach 13,000 no get home again. Dis na becos one wiked fire don burn dia camp wey be de lagest migrant camp for for Europe. De camp dey for Greek island wey dey Lesbos.

De camp wey dem build make only 3,000 pepul dey live inside am, na im com kach fire on 8 September. Na so pepul cari dea kaya dey run; smoke sef wey dey comot from de fire don cos seros gbege for some pepul. 

Even sef nobodi no wetin cos de fire, but Michalis Fratzeskos, wey be de deputy mayor for civil protection, don talk say e no be aksident, sey pepul wey do am plan am weluwel. 

TMP_ 12/09/2020

Photo credit: Shutterstock/Tolga Sezgin

Photo caption: Plenti refugees and migrants wey wan folo land boda for Turkey take enta Greece. 30.02.2020 Edirne