Italy: Tighter actions go dey introduced for inside repatriation centres afta coronavirus case show face

De Italian interior ministry don ask personnel at repatriation centres arand de country to dey check well well de health of de waka abroad pipu wey dey live dere to stop de spread of de coronavirus disease. De order come afta dem confirm wan case of coronavirus disease for a repatriation centre for northern Italy last week. 

Newly admitted waka abroad pipu suppose get medical examination to check weda dem get signs of de disease. Dem go also stay for separate accommodation for at least two weeks.

A letter from de head of de ministry’s Department for Civil Liberties and Immigration, Michele Di Bari, press de need for waka abroad pipu wey dey live for de centres make dem get way to have “correct material for care and hygiene.” He also torchlight de need for dem to be “well well informed about de actions wey dem go take to stop de virus from spreading.”

TMP_ 15/04/2020

Photo credit: LorenzoPeg / Shutterstock

Photo caption: Immigrants and asylum seekers outside de center of permanence for repatriation of de Italian town of Gradisca d’Isonzo (27th June 2017)