Dem don find dead bodi of one young migrant for French beach
Dem don find de dead bodi of Sudanese migrant wey wan folo water take enter United Kingdom. Na for inside de French beach na dea de dead bodi of de boy wey be 16 years old tanda, na so authorities talk.
His friend talk say na afta de boat wey caru dem travel enta inside water na since dat time dem begin find am.
French minister wey de in charge of citizen mata, wey be Marlene Schiappa, talk say e no dey hapi at all at all for de mata wey happen. E com talk say govement go make sure say e deal wit all de wiked pepul wey dey make moni for de human trafficking business. Migrants wey pas 650 don cross de English Channel wit small boats for inside dis month alone. De United Kingdom govement don talk say e go continue to dey kach migrants wey dey folo dat road.
Photo credit: Shutterstock/Susan Pilcher
Photo caption: UK Border Force coastal patrol vessel, Alert returning to Folkestone Harbour after being involved in operations to bring migrants ashore