Libya: water don swalo 74 migrants wey wan go Europe 

Migrants wey go reach 74 na im water don swalo wen de boat wey cari dem dey go Europe enta water for Libya side. Dis one na de eight time wey e dey happen for day road since October begin, na so de International Organization for Migration wey be IOM tok.

Na only 47 pesin Libya coast guard and local fishermen fit save. Dem com find 31 dead bodies for de sea, as dem continu dey sach for de oda pasenjas. 

“De rate wey pepul take dey die for de Mediterranean sea dey show say govement no fit provide serios Search and Rescue team wey go make sure say if sometin like dat happen for dat place wey be deadliest sea-crossing in the world, dem go save lives,” na IOM Libya Chief of Mission wey be Federico Soda, na im dey yan dis one.

About  20,000 pepul don die for de Central Mediterranean since 2014.

TMP_13/11/2020

Photo credit: ShutterStock/Max Lindenthaler

Photo caption: Floating life jacket. An overboard lifejacket drifting on the water