یو افغان راستنېدونکی کډوال چې رامین نومېږي وایي:”نه پوره خواړه، نه تشناب او نه هم پوره روغتیايي چوپړتیاووې مو درلودې. “

*رامین هغه ٢٢کلن افغان کډوال دی چې اروپا ته د کډوالۍ په هڅه کې سږ کال افغانستان ته راستون شوی او یا شړل شوی دی.

د نوموړي د کډوالۍ کړنلاره هغه مهال شنډه شوه، چې دی د ترکیې او یونان پولې په منځ کې ونیول شو.

نوموړي د کډوالۍ له پروژې سره خبرې وکړې او خپله کیسه یې له موږ سره شریکه کړه. له اژې سیند تر یونان پورې، د سفر لپاره  قاچاق وړونکي له رامین څخه د کابو ٢٠٠٠ یورو غوښتنه کړې وه، خو بېړۍ یې بریالی نه شوه، چې د یونان ساحل ته ورسېږي. نوموړی وايي:”موږ یوازې څو کیلو مټره لرې له یونان څخه ودرول شو، پولیسو موږ ودرولو.”هلته وضعیت ډېر کړکیچن وو.

نوموړي وایي:”موږ ٤٠ کسیزه ډله وو چې هڅه مو کوله یونان ته ورسېږو.” چارواکو رامین او د دې ډلې نور کډوال په عثمانه کې د کډوالۍ پنډغالي ته ولېږدول.

رامین زیاتوي:”موږ هغو څیزونو ته لاسرسۍ نه درلود کوم چې د ژوند کولو لپاره اړین وو، پوره خواړه شتون نه درلودل، سم تشناب نه و او همدارنګه روغتیایي چوپړتیاوو ته مو لاسرسۍ نه درلود.”   

نوموړی د چارواکو له دوه مخې چلند څخه سر ټکوي:”موږ ان تر دې حق نه درلود چې د غیر انساني وضعیت پر وړاندې شکایت وکړو.” ان افغان چارواکي چې ځینې وخت پنډغالي ته راتلل، له دوی سره یې مرسته نه کوله.  نوموړی زیاتوي:”دوی زموږ ستونزې نه اورېدلې ان په دري او یا پښتو ژبو یې له موږ سره خبرې نه کولې.”

رامین کابو درې میاشتې په پنډغالي کې تېرې کړې. نوموړي د کډوالۍ پروژې ته وویل:” په پای کې زه د پنځو ورځو لپاره یو بل پنډغالي ته ولېږدول شوم او له هغه ځای څخه بېرته کابل ته راوشړل شوم.”          

د رامین کیسه یواځینۍ مورد نه دی. په حقیقت کې، سږ کال د ترکیې پولیسو لخوا ګڼ شمېر افغانان نیول شوي دي. په وروستیو میاشتو کې، ترکیې د ناقانونه کډوالو د درولو لپاره خپلې هڅې پیاوړې کړي دي.

له ۲۰۱۹ کال څخه تر دې دمه، لږ  تر لږه ۳۳۷۰۰۰ کډوال اروپا  ته د رسیدو د هڅې په مهال ترکیه کې نیول شوي دي، چې په ۲۰۱۸ کال کې د ۲۶۸۰۰۰ کسانو د نېول کېدو په پرتله، ډېروالی په ډاګه کوي.

*د دې کډوال نوم د نوموړي له شخصي حریم څخه د ساتنې له امله بدل شوی دی.

TMP – 18/12/2019

انځور له:  شټر سټاک/  الکس رینولدز

د انځور عنوان: یو افغان کډوال په تورو ویښتانو او د افغانستان په خړو سیمه ییزو کالیو سره د غره وچې درې په وړاندې ولاړ دی چې په منځ کې یې نیلي اسمان ښکاري.

نړۍ په خوځښت کې ده

نړۍ په خوځښت کې ده، په میلیونونو کسان اوسمهال په مهاجرت کې دي او د دوی ډيری برخه له هغو ترخو واقعیتونو سره مخ دی چې په ۲۱مه پیړۍ کې، د کډوالۍ رښتینی تصویر وړاندې کوي.

د کډوالو په اړه معلومات ګڼې اجنډاوې او اړخونه لري- د سفر د سرچينې ځاې یعنی هغه ځای چی سفر ور څخه پیلیږی، د رسيدو د موخی ځاې (د ميشت کيدو ځاې) او د ليږد حکومتونو(هغه دولتونه چی کډوال ور څخه د لاری په توګه ګټه اخلی) څخه نيولې تر قاچاقیانو، رسنې، اکادميک وګړو او د کډوالو د شبکو خپل معلومات.

نور ولولئ