د ناقانونه کډوالۍ په اړه د مهمو حقایقو  وړاندې کوونکی

که تاسې د کډوالۍ په اړه فکر کوی او یا د کډوالۍ په لاره کې یاست،  د کډوالو پروژه کولی شي تاسې ته وړیا، د باور وړ او مهم معلومات وړاندې کړي. موږ کولی شو چې د سفر له پیل کېدو مخکې، تاسې ته ووایو چې کوم ګواښونه مو په مخ کې دي او په مقصد هېواد کې ژوند په څه ډول دی.

موږ همدارنګه کولی شو له تاسو سره د کډوالۍ د قانوني لارو چارو، روزنې او کور ته نېږدې د سوداګریزو موکو په ټاکلو کې مرسته وکړو.

د کډوالۍ په اړه د باور وړ او ارزښتناکه معلوماتو تر لاسه کول، ستونزمن دي.  رسنۍ، قاچاق وړونکي او ان د ټولنې عادي وګړي چې مخکې یې کډوالي تجربه کړي کېدای شي په نوې هېواد کې د ژوند او سفر په اړه تاسو ته ناسم معلومات وړاندې کړي.

 قاچاق وړونکي د خپلې ګټې لپاره دروغ وايي او هغه څه چې تر دې مخکې د کډوال لپاره سم وو ممکن نن ورځ نه وي، په مقصد هېواد کې قوانین بدلېږي او شونې ده، نور هم لارې ګواښمنې شي.

که تاسې د سفر هوډ لری او یا هم د سفر په مهال، زموږ سیمه ییز سلاکاران کولی شي تاسو ته حقایق او د باور وړ معلومات وړاندې کړي.

په دغو معلوماتو کې مخامخ لیدل او د ټیلفون پرمټ ځواب ویل شامل دي، په هر ځای کې چې زموږ کارکوونکي وکولای ستاسو پوښتنو ته ځواب وړاندې کوي.

زموږ خبرې اترې به تل پټې (محرم) وي. موږ همدارنګه په انلاین ډول د خپل فېسبوک له لارې تاسو ته معلومات وړاندې کوو او یا د سفر لپاره له وروستي پرېکړې مخکې په خپله ټولنه کې د هغو پروګرامونو په لټه کې واوسئ، چې په دې برخه کې زموږ لخوا جوړیږي.

موږ څوک یو

د کډوالو پروژې موخه دا ده، چې د ناقانونه کډوالۍ په اړه کره او بشپړ معلومات چمتو کړي او له دې لارې کډوال او بالقوه مهاجرین وکولای شي سمه پرېکړه وکړي. موږ د هغو کډوالو لپاره حقایق او په ګڼو ژبو روان خبرونه چمتو کوو، چې په هېواد او د مزل په لار کې دي.

موږ له هغو لارو ګټه پورته کوو، چې لاسرسۍ ورته اسانه دی او د کډوالو په ټولنه کې ډېر اغیز لري. کډوال کولای شي د ټېلفون پر مټ په خپله ژبه زموږ له سلاکارانو سره خبرې وکړي، د یوه وبسایټ سربېره، ټولنیزې شبکې هم لرو او همدارنګه سیمه ییزو ټولنو کې معلوماتي خپرونې هم جوړیږي.

د کډوالو پروژه په اسیا، منځني ختیځ، افریقا او اروپا کې فعالیت لري.


مونږ سره اریکه ونیسی