Over 500 migrants don die for inside sea dis year 

De International Organisation for Migration wey be IOM don tok say from January go reach October dis year, e don pas 500 migrants wey don die as dem wan cros de Mediterranean enta Europe. IOM com dey yan say dem fit pas dat numba becos dem no dey repot all de pepul wey dey die for inside dat sea.

Eleven pepul na im die for boat aksident for Libya for de last week of October as dem wan enta Europe. For inside dis numba, one pregnant woman dey am. IOM tok say na 10 pepul na im fishermen com helep coast guards pepul save for de aksident. Na de third ship aksident wey dey happen dat place for inside one week be dat. 

Libya na de major road wey African migrants wey wan enta Europe dey folo but govment of Libya dey always kach plenti of dem com cari dem troway for inside cell for dea.

TMP: 11/11/2020

Image Credit: Shutterstock/ Songpholt

Image Caption: Life jackets floating in the sea next to rocks