په ۲۰۱۹ کال کې له ترکیې اروپايي ټولنې ته د کډوالو د تګ شمېر دوه برابره لوړ شوی دی امیدواره مېرمن له ٣١ څخه د ډېرو ناقانونه کډوالو په منځ کې په انګلیس کانال کې له ډوبېدو وژغورل شوه د یونان ټاپوګانو کې یوازې یو سلنه کډوال ماشومان ښوونځي ته ځي ایټالیا کې د یونان او ایټالیې د قاچاق وړونکو ۱۳ غړي ونیول شول د کډوالو په چارو کې د ملګرو عالي کمېشنرۍ(UNHCR) وايي: چې اروپا په یونان کی باید د هغو کډوالو د خوندیتوب لپاره کوټلي ګامونه پورته کړي، چې عمر يې ښکته وي

الماني چارواکو ۲۰۱۹ کال کې د کلیسا ګانو له پتې د کډوالۍ ټولې غوښتنې رد کړې.

د دوچه ولې خبري سرچینې د راپور له مخې: المان ۲۰۱۹ کال کې د کلیسا ګانو له پتې د کډوالۍ ټولې غوښتنې رد کړې دي. د ۲۰۱۹ کال په لومړی څلورو میاشتو کې یې د کډوالې د منلو یوازې دوه غوښتنې منلې دي.

کلیسا ګانې کولای شي، له هغو کډوالو د ملاتړ موکه برابره کړي، چې د پناه غوښتنه یې رد شوې او له ستونزو سره مخ  دي او د بیاکتنې په خاطر د کډوالۍ او پناه غوښتنې لپاره فدرال ادارې ته غوښتن لیکونه وړاندې کوي.

دغه پناه غوښتونکي د کلیسا ګانو په انګړه کې د ژوند کولو اجازه تر لاسه کوي، کوم چې دوی د پولیسو څخه ساتي.

یوه بېلګه یې هم تارا ده، تارا د یوه افغان مور ده، چې خپله کیسه یې په دې ډول بیان کړي. نوموړې ویلي: چې کورنۍ یې د طالبانو له ګواښ څخه د ژغورنې لپاره اروپا ته تښتیدلې. دوی په ځنګلونو کې تر خوب، له خوړو پرته ورځو په تېرولو او په پنډغالې کې د اوښکي بیوونکي ګاز تر ځورولو وروسته، اوس د المان په یوې کلیسا کې ژوند کوي. دوی له تېر کال راهیسې کلیسا کې ژوند پر مخ بیايي.

خاوند یې وايي: ” زه کولای شم داسې تصور وکړم، چې خپله کیسه به لمسیانو ته وکړم“. “دوی به هغه ونه مني. ځینې وخت ان خپله هم پرې باور نه کوواو اوس دلته یم . له خدایه شکر. “

المان کې دغه ډول ځایونو ته ډیرې غوښتنې کیږي. یو کال وړاندې، کلیسا ګانو ۵۴۳ کسانو ته پناه ورکړې وه، چې نن بیا دغه شمیر ۸۵۵ کسانو ته رسیدلی دی.

د المان په شمال کې د یوناني لوتري کلیسا لپاره د مهاجرت، پناه غوښتنې او بشري حقونو کمیساریو څارونکو ته ویلي: چې دغو ځایونو ته د کډوالو غوښتنې ۲۰ برابره ډېرې شوي دي.

تر منلو وروسته، کلیسا ګانې باید داسې مستند سندونه وړاندې کړي، چې په کې د کډوالۍ په اړه د بیاکتنې لاملونو ته ځای ورکړل شوی وي.

دغه دوسیې د کډوالۍ او پناه غوښتنې فدرال ادارې لخوا څېړل کیږي . تر بیا کتنې وروسته، که د کډوالۍ دفتر د متقاضي پناه غوښتونکي ساتنه ضمانت نه کړي، پناه غوښتونکي باید د کلیسا انګر خوشې کړئ.

د کډوالۍ او پناه غوښتنې فدرال ادارې د ورکړل شویو معلوماتو له مخې: له ۲۰۱۵ تر ۲۰۱۶ کال پورې ۸۰ سلنه د پناه غوښتن لیکونه د کلیسا ګانو لخوا وړاندې شوي. سږ کال یوازې دوه غوښتنې منل شوي دي.

TMP – 24/06/2019

Photo credit: Leonid Andronov/ Shutterstock

Photo caption: د المان په بایرن کې د رنسانبورګ کلیسا، کابو ۴۰ پناه غوښتونکو ته پناه ورکړي.