پەنجا کۆچبەری عێراقی خۆبەخشانە لە ئەڵمانیا و فەڕەنساوە گەڕانەوە نیشتمان

ڕۆژی 2ی ئەیلولی 2020، پەنجا کۆچبەر بە شێوەیەکی خۆبەخشانە گەڕانەوە بۆ هەولێری پایتەختی هەرێمی کوردستان، ئەوان لە وڵاتانی فەڕەنسا و ئەڵمانیا و هۆڵەندا و بەلجیکا دەژیان.

ئەو کۆچبەرە گەڕاوانە بەشدارییان لە پڕۆگرامی هاوکاری گەڕانەوە و تێکەڵبوونەوەى خۆبەخشانەی تایبەت بە ڕێکخراوی کۆچی نێودەڵەتی کردبوو.

دیدیر لێسچی، سەرۆکى نوسینگەی کۆچ و تێکەڵبوونەوەى فەڕەنسا بە ئاژانسی فرانس پرێسی وتووە کە هەر کۆچبەرێک بڕی هەزار و 800 یۆرۆ (دوو هەزار و 130 دۆلار)ی پێدراوە لەلایەن ئەو پڕۆگرامەوە، هەرکاتێکیش گەیشتنەوە نیشتمانی، سێ هەزار یۆرۆ (سێ هەزار و 550 دۆلار)ی تریان پێ دەدرێت وەک یارمەتییەک بۆ دووبارە ژیانکردن و تێکەڵبوونەوە بە کۆمەڵگەکەیان.

پێشتر لە 6ی ئاب، 134 کۆچبەری تری عێراق بە شێوەیەکی خۆبەخشانە لە یۆنانەوە گەڕانەوە.

پڕۆژەی کۆچبەر _ 8/9/2020

خاوەنی وێنە: نوسینگەی کۆچ و تێکەڵبوونەوەى فەڕەنسا

ناونیشانی وێنە: کۆچبەرانی عێراقی بە شێوەیەکی خۆبەخشانە لە فەڕەنسا و ئەڵمانیاوە گەڕانەوە