About 7,000 migrants na im dem gbab con return to Libya for 2020
About 6,848 kurukere migrants wey wan folo Mediterranean take enter Europe n aim dem don rescue and carri go bak to Libya dis 2020, na so the International Organization for Migration wey be IOM talk.
Na 474 women and 364 pikin, na dem dey for inside de numba. About 115 migrants don die, 180 also don dey miss for central Mediterranean route, dis year wey be 2020 alone.
E don tey wey Libya don become de main apiam way wey kurukere migrants wey wan enter Europe through Mediterranean dey folo. Plenty kurukere migrants dey for inside many prison for Libya dey suffer dey beg God to save dem becos de kain thin wey dem see for inside dea pas dem; de suffering too much.
Photo credit: Shutterstock/Julneighbour
Photo caption: Close up of an orange and white security lifebuoy, fixed in a boat sailing on the sea, with blue water in the background, Mediterranean sea.