Almost 100 Naija women wey dey stranded for Lebanon don return home
Ninety-four Naija women wey don dey stranded since for Lebanon don return home after many pepul don beg govment make im helep bring dem bak home.
Dem dey among de 150 Naija women wey dey stranded for Lebanon, plus de 30 women wey show demsef for inside dat video of 30 July wey dey everywhere for social media, where dem dey beg make govment helep to bring dem bak to Naija.
Na on 12 August na im dem com land for Lagos, na so de Nigerians in Diaspora Commission wey be NIDCOM talk. Even though say dem test negative for Koro, which mean say dem no get am, dem go still dey on dea own; dem no mix wit other pepul until afta 14 days.
Image Credit: NIDCOM
Image Caption: Na som of de women for inside de Muritala Mohammed International Airport, Lagos.