Waka abroad shidren fall komot from boats wey dem overload in Channel wey dey between UK and France, charities talk

Charity organisations dem don talk say shidren dey among dose wey recently just fall komot from on top boats wey dem overload while dem be dey try to cross de Channel between de United Kingdom and France.

According to Rachel Sykes of de charity Project Play, an organisation wey dey work with about 300 shidren for northern France, some of de shidren don go hospital afta dem fall komot into de sea.

Clare Morris, co-founder of Project Play, claim say many of de families dey attempt de crossing plenty times. She talk: “We no sabi how many times each family dey try, it dey dey different from family to family, but it dey ofte. Shodren dey tall us for different times wetin don happen de night before as it dey relate to crossings.”

De boats wey dem stop recently dey carry up to five times de passengers it suppose carry. Now de smugglers dey put about 30 pipu for inside blownblown boats wey suppose carry six passengers. For de past, na about eight passengers for dey travel boat of dat size.

Plenty waka abroad pipu don die as dem dey try to cross de Channel for recent months. British police dey look into de death of wan woman wey fall komot from a boat for inside bad weather on 9 

August. Belgian police don also find de body of Iraqi waka abroad pesin who wear makeshift lifejacket who come drown as im dey try to swim to the UK on 30 August.

De numba of crossings ova dis dangerous route don dey increase. For 2019, more dan 1,000 waka abroad pipu na im dem say don arrive for UK afta dem cross de Channel inside small boats from France. Dis numba na three times de amount wey follow de same route for 2018. For early Septemba alone, waka abroad pipu dey arrive from de UK daily.

Dis increase fit dey linked to rumours wey dey increase say de plan wey UK get to leave de European Union fit bring tighter border restrictions.

Worsening conditions for migrants in northern France may also play a role in the recent wave of attempted Channel crossings. Charities say that migrants’ mental health in northern France is worse than ever. Incidences of self-harm, substance abuse and depression are becoming more common recently, said Chloé Lorieux, from Doctors of the World UK.

De conditions wey dey worsen for waka abroad pipu for northern France fit also dey part for de recent wave of attempted Channel crossings. Charities dey talk say de mental health of waka abroad pipu for northern France don dey worse pass. Dem dey see say self-harm, substance abuse and depression don dey become common, talk Chloé Lorieux, from Doctors of the World UK.

British and French officials hold talk for Paris dis August to strengthen deir collaboration on top border management. De talks end with de British govament thinking weda dem go send more moni to France to hepp dem stop irregular waka abroad.

TMP 24/09/2019

Photo Caption: Twenty waka abroad pipu for inside blownblown baot wey fuelfinish for inside as dem dey try to cross de Channel. French coastguards off Cap Griz-Nez rescue dem on 5 August.

Photo Credit: Photograph: Marine Nationale/Getty Images

Migrating? Call our experts for advice

The world dey waka go

As the world dey waka go, million people dey waka go the abroad, and dem boku wey don dey see ogbonge truth of wetin to waka go abroad mean for de 21st century.

We dey give informate and news wey dey happen on waka abroad matters inside the language wey dey easy to understand and wey people wey wan waka fit reach.

Sabi more