سمندري لارې د کډوالو د مړینې اصلي لامل

کډوالو نړۍوال سازمان وايي: د کډوالۍ تر ټولو ګواښمنې لارې هغه لارې دي، چې په کې د سیند او په ځانګړې ډول له  مدیترانې سیند تېریدل شامل وي.

د وژونکي سفر په نوم د یاد سازمان د نوې راپور له مخې :د ۲۰۱۴ او ۲۰۱۸ کال په لړ کې له ۱۷۹۰۰ څخه ډېر کسان، له مدیترانې سیند څخه د تېریدو په مهال خپل ژوند له لاسه ورکړی. په دې شمېرو کې ۶۷۸ ماشومان هم شامل دي. د کډوالو نړۍوال سازمان نوې معلومات ددې ښودنه کوي، چې د روان زېږدیز کال له جنوری تر جون میاشت پورې ۵۹۷ کډوالو له مدیترانې سیند د تېریدو په مهال خپل ژوند له لاسه روکړی دی.

ګڼ شمېر ناقانونه افغان کډوال اروپا ته د رسېدو لپاره له مدیترانې سیند څخه تېر شوي دي. ۲۰۱۵ کال کې د کډوالۍ ناورین له پیل کېدو راهیسې، د افغانانو په ګډون په لسګونه زره ناقانونه کډوالو هڅه کړي، چې اروپا ته ولاړ شي.

اروپا د ناقانونه کډوالو د مدیریت لپاره، د خپلو پولو په پیاوړې کولو پیل وکړ.  دې مسلې قاچاق وړونکي اړ کړل، چې له اروپايي پولو د کډوالو د تېرولو لپاره، دوی له سترو ګواښونو سره مخ کړي.

قاچاق وړونکي هغه بیړۍ کاروي چې په سیند کې د ګټې اخېستنې وړ نه دي او د لسګونو کډوالو لپاره داسې ټیټ ظرفیت لرونکې بیړۍ کاروي، چې د بیړیو د ډوبیدو او ویجاړیدو ګواښ شتون لري.

یونان، د ترکیې پرمټ له مدیترانې سیند څخه په تېریدو اروپا ته د ناقانونه کډوالو د تګ لپاره یوه لار ګڼل کېږي.  د ۲۰۱۹ کال په جون میاشت کې د ترکیې په ساحل کې دوه بیړۍ ډوبې شوې، چې  له امله یې د ماشومانو په ګډون څو کسان ووژل شول.

د ترکیې د ساحلي ګارد د معلوماتو له مخې: د جون په ۱۱ مه د دوه ماشومانو په ګډون ۷ ناقانونه کډوال هغه مهال ډوب شول، چې د یونان لارې په اژه سیند کې د دوی بیړۍ ویجاړه شوه او دویمه پېښه د جون په ۱۷ مه رامنځ ته شوه، چې د ترکیې په سویل لویدیځ کې ۸ کډوال ډوب شول. د صباح ورځپاڼې د راپور له مخي: بیړۍ د یونان لارې په یوه ټاپو کې د حرکت په حال کې وه.

په یونان کې د کډوالو په چارو کې د ملګرو ملتونو عالي کمیشنری استازي فیلیپ لکلرک ویلي: ” دا یوه غمیزه ده، چې خلک د یونان  ټاپو ته د تګ لپاره، ګواښمنو سفرونو ته دوام ورکوي.” ” اروپا ته د رسېدو لپاره له امن او قانوني لارو ډاډ تر لاسه کول اړین دی، څو خلک په بې رحمه قاچاق وړونکو په باور کولو سره له ګواښ سره د خپل ځان له مخ کېدو ډډه وکړي.”

TMP – 03/07/2019

Photo credit: Malcolm Chapman / Shutterstock.com

Photo caption: لېسبوس، یونان- ۲۰۱۵، د سپټمبر۲۹: د بیړۍ پرمټ له ترکیې، یونان ته د رسېدو په حال کې کډوال. رضا کاره کارکوونکو خپل ځانونه اوبو ته اچولي، څو هغه بیړۍ چې ماشین یې سوځېدلی، ساحل ته هدایت کړي.

نړۍ په خوځښت کې ده

نړۍ په خوځښت کې ده، په میلیونونو کسان اوسمهال په مهاجرت کې دي او د دوی ډيری برخه له هغو ترخو واقعیتونو سره مخ دی چې په ۲۱مه پیړۍ کې، د کډوالۍ رښتینی تصویر وړاندې کوي.

د کډوالو په اړه معلومات ګڼې اجنډاوې او اړخونه لري- د سفر د سرچينې ځاې یعنی هغه ځای چی سفر ور څخه پیلیږی، د رسيدو د موخی ځاې (د ميشت کيدو ځاې) او د ليږد حکومتونو(هغه دولتونه چی کډوال ور څخه د لاری په توګه ګټه اخلی) څخه نيولې تر قاچاقیانو، رسنې، اکادميک وګړو او د کډوالو د شبکو خپل معلومات.

نور ولولئ