Group dey call for de release of Nigerian irregular waka abroad wey dem detain for Libya

De Migration Enlightenment Project Nigeria (MEPN) don advice de Government of Nigeria make dem ask for de release of Nigerians for different camps for Libya. Dis call dey come as de numba of Nigerians wey return to Nigeria hit 10,000, thru initiative by de International Organization for Migration (IOM) for Special Assisted Voluntary Repatriation Programme.

“De MEPN go like use dis opportunity to note say thousands of Nigerians fit still dey stranded for Libya and oda transit countries,” talk Kenneth Gbandi and Femi Awoniyi of de MEPN for inside statement. “De case of a group of recent Nigerian returnees, who dem hold captive for inside a government-run detention centre for inside de Libyan town of Zawiya show dat many Nigerian fit still dey for by force custody for de North African country.”

Worried say many Nigerians still dey for inside different detention camps for inside Libya, MEPN ask make de Nigerian government demand list of Nigerians wey dem detain for Libyan facilities, and release dem immediately so dem go return home.

“De case of de Nigerian waka abroad pipu suppose serve as a lesson to young Nigerians and make dem no wan go on de dangerous waka to reach Europe without visa. De MEPN dey call on young Nigerians make dem seek legal way to waka abroad as thousands of Nigerians don lost deir lives for de past five years for de process of irregular waka abroad,” de statement add.

Human rights activist, Chidiebere Eze, urge de Nigerian government make dem work on how to increase de numba of jobs to hepp tackle youth unemployment, sayin dat employment go hepp reduce de irregular waka abroadmove wey dey becos pipu dey find money.

Clement Osadolor, a waka abroad expert, talk say despite de conditions for Libya, many of de returned waka abroad pipu still dey prepare to go on anoda irregular trip once opportunity show face.

“Yes, it dey true dat many Nigerians dey for detention out dere for Libya. But, it dey also true say even dose who dem bring back to Nigeria still dey look for way to waka abroad again irregularly,” he talk. “De government must declare state of emergency for on top job creation. De rate of unemployment dey frightening and dat dey largely responsible for dis irregular waka abroad trend. Pipu dey make dem believe say life na bed of roses for out dere.”

TMP – 14/11/2018

Photo credit: Nigerians wey dey for detention camps for Libya