Na at least 10,000 Nigerian waka abroad pipu don return from Libya
De Nigerian National Emergency Management Agency (NEMA) talk say, ova 10,000 Nigerian waka abroad pipu wey dey stranded for Libya don return by demselves between April 2017 and October 2018.
De return of Nigerians, wey largely dey from Europe via Libya, na part of de Special Assisted Voluntary Repatriation Programme, a joint initiative wey dey between de Government of Nigeria and de International Organization for Migration (IOM). De latest group of 161 irregular waka abroad pipu return to de Nigerian city of Lagos for 12 October 2018.
According to Mr Yakubu Suleiman, a representative from NEMA, dis group of returnees dey made up of 147 adults wey include 10 women wey get belle, four children and 10 infants.
Libya don be transit country for thousands of waka abroad pipu wey dey go Europe from Nigeria and many Nigerians dey get stranded dere and dey live for bad conditions for de detention centres.
For Libya, armed groups dey fight for control ova de country’s capital and resources, and dat dey increase de already dangerous conditions for irregular waka abroad pipu. Italy also come increase capacity of de country to stop boats wey dey carry waka abroad pipu for de Mediterranean and return dem to Libya.
Bridget Akeamo, one of de returnees who share her experience wit Lagos Television (LTV), talk say her as she no fit get work for Nigeria, na wetin push am to travel to Libya with attempt to cross de Mediterranean to Italy na which dem come arrest am for.
“Dem don move me from one prison to anoda until dem take me to detention camp for Tripoli. Dem no treat us like human being while we dey prison, from de food wey we dey eat to de water wey we dey drink. De Libyan officials rape most of de young ladies in de detention camp, and if una refuse dem, na hell it go dey for una,” she talk.
With four months belle, she dey grateful to be back, “Thank God say I dey back for Nigeria, I know say all hope no dey lost but it dey painful say I go start from beginning with my pikin wey I neva born.”
TMP – 05/11/2018
Photo Credit: www.lagostelevision.com. Some Libyan returnees for de Lagos Airport.