یونان کې د اورلګیدنې له امله د پناه غوښتونکو د یوه بل پنډغالي تر ویجاړولو وروسته، په سلګونه کډوال بې کوره شوي دي

یونان کې د کډوالو د ګڼې ګوڼې ډک یوه پنډغالي کې تر اورلګېدنې وروسته، په سلګونه بې کوره  شوې کډوال د سړکونو پر سر ژوند کوي.

د اکټوبر په ۱۴ مه دغه اورلګېدنه، د ساموس ټاپو د کډوالو په پنډغالي کې رامنځ ته شوه او لامل یې تراوسه روښانه شوی نه دی. 

پولیسو ویلي: چې په هماغه ورځ، د ناقانونه افغان او سوري کډوالو ترمنځ نښته شوې وه، چې وروسته یو شمېر روغتون ته ولېږدول شول.  د ځايي ښاروال جورجیوس سټینټوس په خبره، تر اورلګېدنې مخکې، د چاودنې غږ هم اورېدل شوی دی.

د کډوالو کېږدۍ او سامانونه ویجاړ شوي او په پایله کې د ۶۰۰ کسانو لپاره په سیمه کې د مېشت مرستندویه ډلو لخوا لنډه مهاله سرپناه ورکړل شوې ده.

یونان د دوبي له پېل راهېسې د ناقانونه کډوالو له راتګ سره، لاس او ګرېوان دی.

له ګڼې ګوڼې ډک پنډغالو کې په دې کچه زیاتوالی، د وضعیت د کړکېچن کېدو لامل شوی. د ساموس پنډغالی په سر کې د شاوخوا ۶۵۰ کسانو لپاره جوړ شوی وو، خو اوس پکې له ۵۷۰۰ ډېر وګړي ځای پر ځای شوي دي.

د اکټوبر په ۷ مه کابو ۷۰۰ پناه غوښتونکي او کډوال په پنډغالو کې د ګڼې ګوڼې د کموالي په موخه، د یونان له ټاپوګانو د دې هېواد اصلي سیمو ته ولېږدول شول.

له دې اورلګېدنې دوه اوونۍ مخکې، لسبوس کې د یوې پېښې له امله یوه افغان مېرمن ووژل شوه.

دې پېښې د هغو ناقانونه کډوالو په منځ کې نیوکې راوپارولې، چې هلته مېشت وو. دوي د غوره ژوند غوښتنه کوله.  اتن وویل: چې د کډوالۍ ناورین ته د ځواب ویلو په غبرګون کې به د یو سخت سیاست په پلې کېدو سره د راتلوونکې کال په پای کې کابو ۱۰۰۰۰ کډوال وشړي.

د اورپايي ټولنې د کډوالۍ کمیسار ډیمیټریس ابرامپولوس د یونان پارلمان ته وویل: هېواد یې باید د خپلو کډوالو غوښتنو ته د رسېده ګۍ لپاره ډېر کار وکړئ.

د ملګرو ملتونو د کډوالۍ سازمان (UNHCR) په خبره، د سږ کال په سپټمبر کې له ۱۲۰۰۰ ډېر کډوال یونان ته رسیدلي.  چې دا په ۲۰۱۶ کال کې له شوې هوکړې راهېسې، اروپا ته د ناقانونه کډوالو د راتګ د کموالي په برخه کې تر ټولو لوړه کچه ده.

ایراموپولوس وویل: هغه فشارونه چې اوس مهال د ترکیې او سوریې په پولو کې پر مېشتو وګړو پلې کېږي، شونې ده په زرګونه د سوریې اوسېدونکي او یا د سېمې نور اوسېدونکي دې ته اړه کړي، چې له پولې ترکیې ته واړوي، او بیا څه پېښیږي؟”  ” دا به د یونان او اروپا لپاره غمیزه وي”.

TMP – 25/10/2019

انځور له:  جورجن نواک/ شاټرستاک 

د انځور عنوان: ۲۰۱۹/۳/۱۰، یونان / ساموس ټاپو، واټي/ ساموس ښار.  د یونان د ساموس ټاپو په ساموس ښار کې د غونډیو پر سر د ګڼې ګونې ډک پندغالو کې د پناه غوښتونکو مېشتېدنه.

نړۍ په خوځښت کې ده

نړۍ په خوځښت کې ده، په میلیونونو کسان اوسمهال په مهاجرت کې دي او د دوی ډيری برخه له هغو ترخو واقعیتونو سره مخ دی چې په ۲۱مه پیړۍ کې، د کډوالۍ رښتینی تصویر وړاندې کوي.

د کډوالو په اړه معلومات ګڼې اجنډاوې او اړخونه لري- د سفر د سرچينې ځاې یعنی هغه ځای چی سفر ور څخه پیلیږی، د رسيدو د موخی ځاې (د ميشت کيدو ځاې) او د ليږد حکومتونو(هغه دولتونه چی کډوال ور څخه د لاری په توګه ګټه اخلی) څخه نيولې تر قاچاقیانو، رسنې، اکادميک وګړو او د کډوالو د شبکو خپل معلومات.

نور ولولئ