بەریتانیا تۆمەتبار دەکرێت بۆ ناردنەوەى کۆچبەران بۆ فەڕەنسا یورۆپوڵ: کۆچبەرانی نائاسایی لەژێر مەترسی چەوسانەوەدان بەهۆی سوککردنی ڕێکارەکانی کۆرۆنا ڕێکخراوی چاودێری مافەکانی مرۆڤ داوا لە یۆنان دەکات مندڵانی کۆچبەر لە “زیندانە پیس و قەرەباڵغەکاندا” ئازاد بکات لە دوو مانگی ڕابردوودا یۆنان داواکاری نیوەى پەناخوازانی ڕەتکردووەتەوە دوو حاڵەتی تری کۆرۆنا لە کەمپی لیسبۆسی کۆچبەران لە یۆنان تۆمارکران

لە بۆسنە کۆچبەران خۆپیشاندان دەکەن دژی سوکایەتی بەرپرسانی کرواتیا.. “واز بێنن لە لێدانمان”

ڕۆژی  15ی شوباتی 2020، سەدان کۆچبەر لە یەکێک لە کەمپە قەرەباڵغەکانی بۆسنە خۆپیشاندانیان ئەنجام دا دژی خراپی گوزەران و سوکایەتی بەرپرسانی کرواتیا لە دژیان لەسەر سنور.

لە خۆپیشاندانەکەدا شەڕ و ئاڵۆزی دروستبوو لەنێوان کۆچبەران و پۆلیسی بۆسنە کاتێک هەوڵیان دا لە کەمپی میڕاڵ بچنە دەرەوە کە دەکەوێتە ڕۆژئاوای بۆسنە و 10 کیلۆمەتر لە سنوری کرواتیاوە دورە.

چەند شایەتحاڵێک بە ڕۆیتەرزیان وتووە کە خۆپیشاندەران لەگەڵ پۆلیسدا بە شەڕ هاتوون و چەند کەسێکیشیان دەستگیرکراون.

کۆچبەرانی خۆپیشاندەر چەند دروشمێکیان دەوتەوە لەوانە “ئازادی”، “پارەکانمان بدەنەوە” و “واز لە لێدانمان بهێنن.”.

زۆرێک لە کۆچبەران و ڕێکخراوە مرۆییەکان بەرپرسانی کرواتیا تۆمەتبار دەکەن بە مامەڵەى خراپ، بەڵام کرواتیا ئەو تۆمەتانە ڕەتدەکاتەوە.

کۆچبەرێکی پاکستانی بە ڕۆیتەرزی وتووە، “ئەگەر بچین بۆ سنور، پۆلیسی کرواتیا جلوبەرگ و پێڵاوەکانمان دەسوتێنن، موبایلەکانیشمان دەبەن.”

یەکێکی تر لە کۆچبەران دەڵێت، “پۆلیسی کرواتیا زۆر زۆر خراپن، ئێمە دەمانەوێت سنورەکە بکرێتەوە، تکایە چیتر لێمان مەدەن، جلوبەرگ و پێڵاو و گوێرەوییەکانمان دامەکەنن، ئاخر ئەوان هەمووی دەبەن.”

تەنها لە ساڵی 2019دا، نزیکەى 50 هەزار کۆچبەر لە پاکستان، عێراق، مەغریب و سوریا بە بۆسنەدا تێپەڕبوون، شەش هەزار لەو کۆچبەرانەش لە ئێستادا لەو وڵاتەدا و لە پەناگە و کەمی وێران و کاتیدا ماونەتەوە.

ئەوە لە کاتێکدایە بەم دواییە و بەپێی ڕاگەیەنراوی کۆبوونەوەى نێوان وەزارەتى ناوخۆی کرواتیا و دەزگاکانی پۆلیسی بۆسنە لە 13ی شوباتی ئەمساڵ، بەرپرسانی کرواتیا و بۆسنە ڕێککەوتوون لەسەر بەهێزکردنی هەماهەنگی نێوانیان بۆ ڕوبەڕوبوونەوەى کۆچکردنی نائاسایی.

TMP – 25/02/2020

وێنەگر: بەڵکانس کات

ناونیشانی وێنە: بەرکاسۆڤۆ، سربیا27ی ئەیلولی 2015: پۆلیسێکی کرواتیا تەماشای کۆچبەران دەکات کە بە سنوری سربیا و کرواتیادا تێپەڕدەبن لە کاتی قەیرانی کۆچبەراندا