በሱዳን ሰማንያ አራት ኤርትራውያን ሰደተኞች ከህገ-ወጥ ደላሎችና አጋቾች (አፋኞች) እንደዳኑ ታወቀ

መስከረም 18/2018 ዓ/ም የሱዳን መንግስት ሃይሎች 84 ኤርትራውያን ስደተኞች ከሰላ አስተዳደር ውስጥ በህገ–ወጥ የሰው አዘዋዋሪዎች ታፍነው የነበሩ ማስለቀቃቸው ሱና የተባለ የዜና ምንጭ ገልፀዋል::

የነፍስ ማዳኑ ስራ (ኦፕሬሽኑ) የተካሄደው በአከባቢ  ማህበረሰብ በደርዘን የሚቆጠሩ ሰደተኞች በህገ–ወጥ አዘዋዋሪዎች ታፍነውና ታግተው መወሰዳቸው መረጃ ካገኙ በኋላና ቦታውም ከራይድሬር በተባለው ጫካ ውስጥና ሪፊ አረብ አከባቢ መሆኑን ከታወቀ በኋላ ነው፡፡

በከሰላ አስተዳደር የብሄራዊ ደህነትና የመረጃ አገልግሎት ሃላፊ አለም አልዲንሃሺም ተጎጂዎቹ (ታጋቾቹ) በጣም አሳዛኝ በሆነ ሁኔታ ላይ መገኘታቸው ፤ 51 የሚሆኑት ሴቶች መሆናቸውና በአጋቾቻቸውም ብዙ ስቃይና እንግልት እንዳይደርስባቸው ገልፀዋል፡፡ ሃላፊው ጨምረው እንደገለፁት ህገ–ወጥ አዘዋዋሪዎች ታጋቾቹን ይዘውና አስረው ከ10 ቀናት እስከ ሁለት ወራት በእስረኛነት እንደቆዩ ይገልፃሉ፡፡

የነፍስ ማዳን ስራ ቡዱኑ 10 ህገ–ወጥ  አዘዋዋሪዎችን እንዳሰረና በህገ–ወጥ የሰዎች ዝውውር ወንጀል ወደ አከባቢው ያለው የመንግስት የደህንነት ፍርድ ቤት ክስ እንደሚመሰረትባቸውም ገልፀዋል፡፡

ባለፈው መስከረም ወር 2011 ዓ/ም በኢትዮጵያና በኤርትራ የነበረው  የድንበር መከፈትና ነፃ መሆን ለኤርትራውያን ሃገራቸውን ጥለው  ወደ ኢትዮጵያ ፣ ሱዳንና ሊቢያ እንዲሁም ወደ ግብፅ በመሄድ አውሮጳ ለመድረስ ያላቸውን ተስፋ በመሰነቅ መሆኑ ታውቋል፡፡ የህገ–ወጥ አዘዋዋሪዎች ትስስር በሰሜን ምስራቅ ሱዳን ይህንን የስደተኞች ፍልሰት እድል እንደሚጠቀሙበት ታውቋል፡፡

ሱዳን ለህገ–ወጥ ሰደተኞች መነሻና መድረሻ እንዲሁም መተላለፍያ በመሆንዋ ይህንን ሁኔታ ለማሻሻል እርምጃዎችን በመወሰድ ላይ ትገኛለች። በ2014 ዓ/ም እ.ኤ.አ ሃገሪቱ የፀረ ህገ–ወጥ የሰዎች ዝውውር ህግ በማፅደቅና ሊያዘዋውሩ ለተገኙትም ጠበቅ ያለ ቅጣት እንደሚሰጠውና እንዲሁም ከሞት ቅጣት ጀምሮ ከ5 ዓመት ፅኑ እስራት እስከ 20 (ሃያ) ፃመት ፅኑ እሰራት እንደሚቀጡም ታውቋል፡፡  ካርቱም የድንበር ደህንነትን በሟቋቋም ከገረቤት ሃገሮች እንደነ ኢትዮጵያ ፣ ሊቢያ ፣ ቻድ ፣ ኒጀር  የመሳሰሉትም አብራ እንደምትሰራ ታውቋል፡፡

TMP – 2/12/2018

ፎቶ:- ስትሪት ፎር/ ሻተርስቶክ።  በከሰላ የአውቶቢስ ማረፍያ  ሱዳን።