A hard 2018 for waka abroad pipu

Pipu wey dey find asylum and waka abroad pipu dey find am even more difficult to reach countries wey dey prosper and wey dey safer for 2018.

For dose wey wan try to reach Europe, North America, and Australia from countries for Asia, Africa and Latin America, 2018 na wan of de most difficult years. De recent increased for irregular waka abroad pipu don cause make destination countries no dey comfortable, and na dis lead to make populist pasties come increase wey dey promise say dem go put hard policies wey dem go use manage waka abroad pipu down.

In de past year, Italy don ban NGO rescue ships for de Mediterranean. It don give Libya training and patrol vessles wey go stop and carry waka abroad pipu back to Libya, which de United Nations Refugee Agency (UNHCR) call unsafe. Na recently dem pass the “Salvini decree” wey fit leave waka abroad pipu homeless and unprotected.

For inside meeting of African and EU ministers for Vienna to talk about waka abroad issues, de interior ministers of Italy and Austria support proposal to process de asylum claims of waka abroad pipu for on top ships in the Mediterranean. “Once pipu don match foot for your continent, na with plenty wahala and moni you go fit comot dem,” Austrian interior minister Herbert Kickl talk.

Dese efforts don make dem see de lowest numba of crossing for inside de last five years. However de proportion of pipu wey dey die dey increase. Na ova 2,200 pipu don lost deir lives for de Mediterranean dis year, making it de most ogbonge waka for inside de world for waka abroad pipu. Many dey comot from Libya or Morocco, where dem don put am down say de conditions dey very poor and no safe.

But 2018 don see positive moments also. For dome countries wey get young population wey dey look to leave, governemnts dey find ways to provide beta opportunities for young pipu. Dis include business grants, vocational training and business management training.

De EU dey also invest for Africa to hepp de pipu wey wan find job and how dem go fit dem employable. For August 2018, de United Kingdom (UK) sign a GBP 115 million grant to Ethopia, wey get aim to create 100,000 jobs and improve de tax system of de country. Germany talk say it go finance a four-year programme wey go hepp reintegrate refugees with host communities for de East African country. For November 2018, de EU Delegation to de Gambia, talk say the Jobs, Skills and Finance for Women and Youth Programme (JSF) go create about 3,000 jobs for women and youth for de Gambia.

For dose wey wan return home as dem dey on deir irregular waka abroad waka, international organisations like IOM and UNHCR don hepp evacuate, relocate or return waka abroad pipu and refugees. A UN relocation programme don comot hundreds of stranded waka abroad pipu from Libya to Niger make dem wait wen dem go relocate dem.

Lastly, a historic global agreement. For de conference for the Global Compact for Safe, Orderly and Regular Migration on 10-11 December 2018 in Marrakesh, 164 of the 193 UN member states agree to 23 objectives. Dis include de creation of opportunities for regular waka abroad, de prevention of irregular border crossings and de promotion of ethical labour standards for waka abroad workers, plus oda issues.

2018 fit don be tough year for waka abroad pipu and asylum seekers around de world, but for plenty economic waka abroad pipu, steps don dey in place to support dem with opportunities for deir home. And na at least 164 countries don come togeda to create a safer world for waka abroad pipu.

TMP – 31/12/2018

Photo: August 13, 2018; Bihac, Serbia. A protester holds a placard saying ‘Immigrants, go home’.