French, Spanish security force scarra pipu smuggling gang, come arrest 29 smugglers

Spanish and French, with de cooperate of de European Union Agency for Law Enforcement Cooperation (Europol), don scatter big pipu smuggling group and dem arrest 29 of dem members.

Dem discover de smuggling gang afta dem arrest a Spanish citizen for France as im dey drive bus wey get 22 waka abroad pipu inside. Afta dem do investigation for Spain, dem find say de group na big smuggling group wey get leg for Morocco, Spain and France.

De criminal gang dey use pipu wey dey recruit and middlemen wey come from different nationalities to take convince pipu wey fit be waka broad pipu make dem try to get on de ogbonge waka to Europe. De waka abroad pipu go den come to de Spanish port of Almeria to France.

Europol also come talk say de organized criminal group dey target unaccompanied minors wey dey protection centers for Spain. “Dem push and encourage de minors to escape de from de centers and go on de ogbonge waka towards Western Europe,” de agency talk for inside statement. 

According to statement from Europol: “De operation end up in de arrest of 26 suspects for Spain and 3 for France, 14 house searches and dem seize USD36,534, different documents, computer equipment, more dan 200kg of hashish, a vehicle and a trailer.”

Europol just launch new task force wey go support de fight against organised pipu smuggling and human trafficking networks. De new task force dey coordinTED BY Europol’s European Migrant Smuggling Centre (EMSC) and dem dey target de most dangerous networks.

Smuggling networks deon hepp arrange de crossing of 46,000 kurukere waka abroad pipu and refugees to Europe by sea since de beginning of 2019.  De Mediterranean na wan of de most deadly routes  which smugglers dey use, despite say hundreds of waka abroad pipu don die. According to de UN Refugee Agency (UNHCR) more dan 900 waka abroad pipu deaths na im dem don record for de Mediterranean dis year. 

TMP – 28/09/2019

Photo credit: vulcano / Shutterstock.com

Photo caption: Majorca, Spain – January 13, 2019: Police car of Palma de Mallorca city – Image