حەوت وڵاتی ئەوروپی لە سەرەوەى ئەو وڵاتانەن کە کەمترین پێشوازی لە کۆچبەران دەکەن

بەپێی ڕاپرسییەکی گاڵوپ کە 23ی ئەیلولی 2020 بڵاوکراوەتەوە، حەوت وڵاتی ئەوروپی لە ڕیزبەندی یەکەمی ئەو 10 وڵاتەن کە کەمترین پێشوازی لە کۆچبەران دەکەن، ئەو وڵاتانەش بریتین لە مەکدۆنیای باکور، هەنگاریا، سیبریا، کرواتیا، بۆسنە و مۆنتیگرۆ و لاتیڤیا.

ڕاپرسییەکە پرسیاری دەربارەى بۆچوونی خەڵکی کردووە لەبارەى بوونی کۆچبەران لە وڵاتەکەیان، هەروەها بوونی دراوسێی کۆچبەر و ئەنجامدانی هاوسەرگیری لەگەڵیان. ڕاپرسییەکە دەریخستووە بە شێوەیەکی گشتی پێشوازی جیهانی لە کۆچبەران کەمی کردووە.

هاوکات کەنەدا و ئایسلەندا و نیوزلاند لەو وڵاتانەن کە زۆرترین پێشوازی لە کۆچبەران دەکەن.

پڕۆژەى کۆچبەر _ 28-9-2020

خاوەنی وێنە: hydebrink

ناونیشانی وێنە: هامبۆرگ، ئەڵمانیا – 8ی ئەیلولی 2015: کۆچبەرێک لەبەردەم خێمەیەکدا لە ناوەندێکی پێشوازی لە هامبۆرگ دانیشتووە.