خوندي او قانوني بدیلونه

اکثریت خلک په غیر قانوني ډول کډوالي کوي ځکه دوی پر دې باور دي، چې دا یې یوازینی انتخاب دی. په هرصورت، کډوال کولای شي ځینې خوندي او قانوني بدیلونه په پام کې ونیسي، لکه د پناه غوښتنه، د کورنۍ بیا یوځای کېدل او په داوطلبه توګه بېرته راستنیدل پدې پورې اړه لري چې آیا د دوی اصلي هیواد ته بیرته راستنیدل خوندي ګڼل کیږي او دوی د ځورونې ګواښ سره مخامخ نه دي.

که چېرې تاسو په خپل هیواد کې د مستقیمې څارنې څخه تیښته کوئ، تاسو د نړیوال خوندیتوب مستحق یاست. د دې لپاره چې ستاسو ته د پناه درکولو چانس زیات شي، تاسو باید په اروپا کې د سیمه ییزو او ملي قوانینو له مخې د پناه غوښتنې کړنلاره تعقیب کړئ.

د اروپايي اتحادیې یو له قوانینو څخه چې په فرانسه کې کډوال  اغیزمنوي، د ډوبلین مقررات دي. دا قانون پدې مانا دی، چې پناه غوښتونکي د لومړي اروپایی هیواد مسؤلیت دی، چې دوی پکې مستند شوي دي. که تاسو یو داسې پناه غوښتونکی یاست، چې له نورو اروپایی هیوادونو څخه تېر او راجستر شوي یاست، نو تاسو بېرته هماغه لومړني هېواد ته چې ترې راتېر شوي یاست د لېږلو خطر سره مخامخ یاست. 

ټول هغه هېوادونه چې د ډوبلین مقرراتو برخه دي د یوروډاک په نوم سیسټم کاروي.  د پناه غوښتونکو او د درېیم هیواد اتباعو چې په غیرقانوني لارو اروپا ته راغلي او لږ تر لږه ۱۴ کلن وي، د پین – اروپا د ګوتو نښې ډیټابیس کاروي. کله چې تاسو د پناه غوښتنې غوښتنلیک وړاندې کړئ، د قضیې کارکوونکي به ستاسو معلومات د یوروډاک سیسټم له لارې پرمخ وړي ترڅو معلومه کړي چې تاسو راجستر شوي یاست یا تاسو په بل هیواد کې د پناه غوښتنه کړې ده کنه. که هو، تاسو ښایي هغه هیواد ته بیرته ور سانه کړي. که نه، تاسو ښایي د هیواد پروتوکول پورې اړوند نوره ارزونه وشي مخکې له دې چې غوښتنلیک د غور لپاره ومنل شي.

په فرانسه او انګلستان دواړو کې د پناه غوښتنې د پروسې پر مهال ، تاسو کولای شئ د اړتیا په صورت کې د قانوني استازي او ژباړونکي په لټه کې شئ. که څه هم تاسو به معمولا د خپلې پناه اخیستنې غوښتنلیک د پروسس پر مهال د کار کولو توان ونلرئ، تاسو به ښایي د استوګنې او تعلیمي خدمتونو لپاره د ځینو مالي او عملي مرستو مستحق شئ. 

که تاسو ته د یو اروپايي هیواد له لوري پناه درکړل شي، تاسو به وکړای شئ، چې هلته د یوې ټاکلې مودې لپاره ژوند او کار وکړئ. وروسته له دې تاسو د دایمي استوګنې لپاره غوښتنه کولای شئ.

فرانسه کې د پناه اخیستنې د غوښتنلیک د ورکړې لپاره بنسټیز پړاوونه په لاندې ډول دي:

لومړی تاسو خپل غوښتنلیک په SPADA (د لومړي ښه راغلاست مرکز) کې مخکې له مخکې راجستر کړئ. که تاسو په فرانسه کې یاست، تاسو باید د دوشنبې څخه تر جمعې پورې 01 42 500  900 شمېرې ته زنګ ووهئ، د سهار له 10 بجو څخه تر 3.30 بجو پورې، لومړی د ملاقات وخت ونیسئ.

بیا به تاسو په GUDA (د پریفیکچر د خدماتو کړکۍ) کې د لیدنې لپاره وغوښتل شي، ترڅو په رسمي ډول ستاسو خپل د پناه غوښتنې غوښتنلیک ثبت کړئ.

له دې کتنې وروسته به تاسو د OFII (د کډوالۍ او ادغام لپاره د فرانسې دفتر) له یوه سلاکار سره ووینئ تر څو د پناه غوښتنې پروسې په اوږدو کې ستاسو سره د شته مرستې او ملاتړ په اړه بحث وکړي.

په GUDA کې د لیدنې له نیټې څخه به تاسو  21 ورځې وخت ولرئ، چې خپل غوښتنلیک د کډوالو او بې وطنه خلکو د ساتنې لپاره د فرانسې دفتر (OFPRA) ته وسپارئ.

تاسو کولی شئ په فرانسه کې د ټولو SPADA پتې دلته  ومومئ. 

د اروپايي اتحادیې یو قانون چې د ډوبلین مقرراتو په نوم یادیږي، داسې مقررات ټاکي چې کوم هیواد د یو فرد د پناه غوښتنې د ادعا د څیړلو مسولیت لري. په دې مقرره کې راغلي دي، چې پناه غوښتونکی د هغه لومړني هیواد مسؤلیت دی، چې د اسنادو سره EU ته داخل شي.

د ډوبلین مقرره دا مانا هم  لري چې پناه غوښتونکو ته دا انتخاب نه ورکول کیږي چې کوم هیواد دې د دوی د پناه غوښتنې ادعا وڅیړي، دوی به په کوم هیواد کې ژوند کوي او په کوم هیواد کې به  ځای پرځای کېږي.

هغه هیوادونه چې د ډوبلین III مقررات تعقیبوي په لاندې ډول دي:

اتریش، بلجیم، بلغاریا، کروشیا، قبرس، چک جمهوریت، ډنمارک، استونیا، فنلینډ، فرانسه، آلمان، یونان، هنګري، آیسلینډ، آیرلینډ، ایټالیا، لاتویا، لیتوانیا، لیچټینسټاین، لوکزامبورک، مالټا، هالنډ، ناروې، پولنډ، پرتګال، رومانیا، سلواکیا، سلوانیا، اسپانیا، سویډن او سویس.

انګلستان نور د ډوبلین مقرراتو ته غاړه نه ږدي. پورتنۍ برخه (په انګلستان کې د پناه غوښتنه کول) کې  په دې اړه نور معلومات زده کړئ.

د نوي وړاندیز شوي “د کډوالۍ او پناه غوښتنې په اړه د اروپایي اتحادیې تړون”  European Union Pact on Migration and Asylum له مخې به د ډوبلین سیسټم اصلاح شي، ترڅو ډاډ ترلاسه شي چې د اروپايي اتحادیې غړي هیوادونه د پناه غوښتونکو مسؤلیتونه شریکوي او د یونان په څیر په ډیری هیوادونو باندې فشار کم کړي. دا په دې مانا ده، چې د اروپایي اتحادیې هیوادونو ته به د پناه غوښتونکو د غوښتنلیکونو د اخیستلو یا د رد شوو پناه غوښتونکو بیرته خپل اصلي هیواد ته د ستنېدو په برخه کې د مرستې تر منځ یو انتخاب ورکړل شي. 

لکه څنګه چې انګلستان نور د ډوبلین مقرراتو ته  پابند نه دی (پورته نور زده کړئ) دا ښایي د کورنۍ د هغو غړو سره یوځای کیدل خورا ستونزمن کړي، چې تر دې وړاندې په انګلستان کې ژوند کوي.

د لویانو او کورنیو لپاره:

که ستاسو د کورنۍ لږترلږه یو غړی د اروپایي اتحادیې  په یوه غړی هیواد کې ثبت شوی وي چیرې چې د ډوبلین مقررات پلي کیږي، هلته کېدلای شي په ورته هیواد کې ستاسو د پناه غوښتنې غوښتنه وڅیړل شي. که چیرې د کورنۍ بیا یوځای کیدل تصویب شي، تاسو کولای شئ هلته ورسره یوځای شئ او د پناه غوښتنې  ته مو دوام ورکړئ. د ۲۰۲۱ کال د جنورۍ تر لومړۍ نیټې پورې به برتانیا یوازې هغه وخت د بیا یوځای کېدو اجازه ورکوي چې هغه کسان چې مخکې په انګلستان کې ژوند کوي د کډوالۍ یا د فرعي خوندیتوب حیثیت ولري.

که ستاسو د کورنۍ غړی (میړه یا کوچنی ماشوم) یو پناه غوښتونکی وي چې د خپلې ادعا په اړه لومړنۍ پریکړې ته په تمه وي، یا په انګلستان کې د کډوالۍ حالت یا بشردوستانه خوندیتوب ولري، انګلستان ستاسو د پناه غوښتنې د ادعا د څیړلو مسولیت لري که چیرې کورنۍ اړیکه ولري. ښودل کیدی شي.

انګلستان ښایي په استثنایي توګه مسؤلیت ومني چې د کورنۍ غړي د بشردوستانه اساساتو سره یوځای کړي.

د بې سرپرسته ماشومانو لپاره:

د کورنۍ د بیا یوځای کیدو شرایط یوازې هغه وخت پلي کیږي کله چې یو بې سرپرسته ماشوم د اروپايي اتحادیې په هیواد کې د پناه غوښتنه وکړي چیرې چې هغه اوسي. دا مهمه ده چې په فرانسه کې ماشومان د پناه غوښتنې ادعا وکړي، ترڅو هغه مرستې ته لاسرسی ومومي چې دوی ورته اړتیا لري

کله چې یو بې سرپرسته ماشوم په فرانسه کې د پناه غوښتنه کوي، دوی باید چارواکو ته ووایي چې ایا د دوی د کورنۍ کوم غړی په انګلستان (یا په اروپا کې) کې شتون لري. فرانسوي چارواکي کولای شي له هغه هیواد څخه غوښتنه وکړي چې د دوی د پناه غوښتنې د ارزونې مسؤلیت په غاړه واخلي. دوی باید د کورنۍ اړیکو او د اړیکو توضیحاتو هر ډول شواهد وړاندې کړي.

انګلستان ته د لیږد په موخه د مستحق کیدو لپاره، ماشوم کولای شي د مور او پلار سره یوځای شي چې په منظمه توګه (قانوني) په انګلستان کې شتون لري (پدې کې  که چېرې دوی د پناه غوښتنه کوي شامل دي

ځینې ​​کډوال فرانسې یا انګلستان ته د رسیدو لپاره ډیری فزیکي او مالي ګواښونه پر ځان مني، یوازې د دې لپاره چې معلومه کړي هلته د ژوند واقعیت د دوی هیلې پوره کوي کنه. که تاسو په ورته حالت کې یاست او غواړئ بیرته خپل هېواد ته راستانه شئ او تاسو ته خوندي ښکاري چې ترسره یې کړئ نو تاسو به د لاندې مواردو مستحق یاست: 

خپل  هېواد ته د راستنیدو لپاره مالي او لوژستیکي ملاتړ – د بیلګې په توګه، ستاسو د الوتکې د ټکټ پیسې ورکول کیدای شي او تاسو د سفر د سمو اسنادو ترلاسه کولو لپاره اداري ملاتړ ترلاسه کولی شئ؛

تاسو ته د بیا یوځای کیدو  مرستې هغه مهال چې تاسو بېرته خپل هېواد  ته راستانه شئ – د بیلګې په توګه، تاسو کولای شئ د استوګنې یا روزنې په برخه کې مرسته ترلاسه کړئ ترڅو تاسو سره د کار موندلو کې مرسته وکړي.

که تاسو په فرانسه کې یاست:

د OFII (د کډوالو او ادغام لپاره د فرانسې دفتر) کې د مشاور سره ناسته تنظیم کړئ ترڅو د دوی د داوطلبانه راستنیدو د برنامې په اړه نور معلومات ترلاسه کړئ.

تاسو کولی شئ دلته د ټولو OFII پتې ومومئ.

که چېرې تاسو په انګلستان کې یاست: 

تاسو کولی شئ دلته  د داوطلبانه راستنیدو ملاتړ لپاره آنلاین غوښتنه وکړئ.

که تاسو غوره ګڼۍ، تاسو کولای شئ د 0300 004 0202 شمېرې سره  د دوشنبې او جمعې تر منځ د سهار له 9 بجو څخه د ماسپښین تر 5 بجو پورې د داوطلبانه راستنیدونکو خدماتو سره اړیکه ونیسئ.

ډیری نور سازمانونه شتون لري چې غواړي ستاسو سره ستاسو د اختیارونو په پوهیدو کې مرسته وکړي.

په فرانسه کې:

کډوال کولای شي د دوشنبې او جمعې تر منځ د ماسپښین له 3 بجو څخه د ماسپښین تر 6 بجو پورې او د چهارشنبې او جمعې په ورځو کې د سهار له 10 بجو څخه تر 12 بجو پورې د 01 43 14 60 66 تلیفون کولو له لارې د Groupe d’information et de soutien des immigrés (GISTI) څخه وړیا قانوني مشوره وغواړي. 

که تاسو د انساني قاچاق قرباني یاست، تاسو کولی شئ د انساني قاچاق د قربانیانو د ساتنې ملي همغږۍ سره په 0825 009 907 تلیفون اړیکه ونیسئ.

 

په انګلستان کې:

غیر قانوني کډوال کولای  شي د کډوالۍ کارپوهانو سره د دوی د ځایی اتباعو مشورې دفتر کې محرمه ناسته تنظیم کړي ترڅو د دوی اختیارونو په اړه بحث وکړي. دلته نږدې دفتر ومومئ.

د کډوالو د هوساینې لپاره ګډه شورا د دوشنبې، سه شنبې او پنجشنبې په ورځو کې د سهار له 10 بجو څخه د ماسپښین تر 1 بجو پورې په 020 7553 7470 کې وړیا او محرمه مرسته چلوي.

د انګلستان حکومت د دوشنبې او جمعې تر منځ د سهار له 8:00 بجو څخه د ماښام تر 8:00 بجو پورې په 0808 801 0503 کې د پناه غوښتنې د مرستې کرښه هم لري.

که تاسو د انساني قاچاق قرباني یاست، کولای شئ د ورځې او شپې په هر وخت کې 08000 121 700 ته د عصري غلامۍ د مرستې کرښې ته زنګ ووهئ.

شریک نماید

دو مرد فرانسوی به دلیل کمک به مهاجران برای عبور از کانال انگلیس زندانی شدند

دو مرد فرانسوی به اتهام کمک با مهاجران غیر قانونی برای عبور از کانال انگلیس به زندان محکوم شدند. یکی از این دو...
بیشتر بخوانید

صدها مهاجر برضد اخراج پناه‌جویان در یک ترمینالِ میدان هوایی در پاریس دست به اعتراض زدند

صدها مهاجر غیرقانونی در یک فرودگاه فرانسه واقع در شهر پاریس پایتخت آن کشور گردهم آمدند و به اخراج پناه جویان...
بیشتر بخوانید

گارد ساحلی فرانسه مانع از عبور 9 مهاجر از آبنای انگلیس شد

گارد ساحلی فرانسه روز یکشنبه نزدهم ماه می، یک قایق حامل 9 مهاجر را که می خواست از آبنای انگلیس عبور کند را...
بیشتر بخوانید