ኢትዮጵያዊ ስደተኛና የአውሮፓ ኑሮ

ብዙዎች ሕገ ወጥ ስደተኞች ለተሻለ ኑሮ ፍለጋ / የወደፊት ህይወታቸውን የተሻለ ለማድረግ/ ከአፍሪቃ ቀንድ ወደ አውሮፓ ይሰደዳሉ። ሆኖም ግን አብዛኛውን ግዜ ስደተኛች ከሚያስቡት እውነታ የተለየና አብዛኛዎቹ አውሮፓ ከደረሱ በሃላ ስለሚያጋጥሟቸው መሰናክሎች ግንዛቤ የላቸውም።

በአውረፖ ውስጥ ስለ ሕገ ወጥ ስደተኛ ወይም ጥገኝነት ጠያቂ ኑሮ የበለጠ መረጃ ለማግኘት በቀጣይነት ማንበብ ይገባል።

ጥገኝነት ጠያቂ የሚባለው በዘር ወይም በሚከተለው ሃይማኖትና የፖለቲካ ምክንያት ጭካኔና ሚዛናዊ ባልሆነ መንገድ ከፍ ያለ ጉዳት ሲደርስበት አገሩን ጥሎ ወደ ሌላ አገር በመሸሽ አለም አቀፋዊ ጥብቄና የስደተኝነትን ጥገኝነት ለማግኘት ሲል የሚጠይቅ ወይም የሚያመለክት ሰው ማለት ነው። በዚህ መረጃ ስለ ጥገኝነተን ጠያቄዎችና ስለሌሎች የስደት ቁልፍ ማብራሪያዎች በበለጠ ለመገንዘብ ያስችላል።
በአውሮፓ የጥገኝነት ሁኔታዎች እንደ የአገሩ ብሄራዊ ሕግ ይለያያል። ሆኖም ግን የአውሮፓ ህበረት የጥገኝነት ሕግ እያንዳንዱ የአውሮፓ ህበረት ኣባል አገር የጥገኝነት ጠያቄዎች መብት እንድታከብር አጥብቆ ይደነግጋል። ይህም ማለት እያንዳንዱ ጥያቄ አቅራቢ ሚዛናዊ የሆነ የጥገኝነት ማመልከቻ ሂደት የማግኘት መብት የተጠበቀ ሆኖ አገሮቹ ጥገኝነት ጠያቄዎች ማረፍያ ቦታና መሰረታዊ ነገሮች እንዲያቀርቡ ይጠየቃሉ። ለየአንዳነዴ የጥገኝነት ጠያቄዎች ምክንያት ቫውቸር / እንደገንዘብ ሆኖ የሚያገለግል ወረቀት/ አንዳንዴም ገንዘብ ይሰጣሉ።

በአውሮፓ ህብረት ኢትዮጵያዊ ሆኖ ጥገኝነት የማግኘት እድሎቹ እንደየ አገሩና እንደጠያቂው ሁኔታ ይለያያል። ለምሳሌ ፈረንሳይ በ2017 እ.ኤ.አ በግምት 600 ከሚሆኑት ኢትዮጵያውያን ከቀረቡላት አዳዲስ የጥገኝነት ማመልከቻዎች መካከል ግማሹን ያህል ተቀብላለች። በተመሳሳይ አመት ጎረቤትዋ የሆነችው ቤልጂየም ግን ከ85 አዳዲስ አመልካቾች መካከል 20 ሰዎች ብቻ ተቀባይነት እንዲያገኙ አድርጋለች። የደብሊን መተዳደርያ ደምብ ተብሎ የሚጠራው የአውሮፓ ህግ ማለት ጥገኝነት ጠያቄዎች በመጀመርያ በገቡበት የአውሮፓ አገር ውስጥ ሃላፊነት ወይም ተጠያቄነት ስር ናቸው። ይህም ማለት ወደ አንድ የአውሮፓ አገር ከደረሱ በሃላ ወደ ሌላ አገር ከተንቀሳቀሱ ተይዘው መጀመርያ ወደ ገቡበት አገር ይመለሳሉ። በተጨማሪም የደብሊን መተዳደርያ ደምብ ማለት ጥገኝነት ጠያቄዎች በየተኛው ቸገር እንደሚኖሩ ፣ የተኛው ቸገር የጥገኝነት ጥያቄኣቸው እንደሚመረምረና በዛችም አገር በየተኛው ቦታ እንደሚቀመጡ ምርጫ አይሰጣቸውም።

የጥገኝነት ጥያቄ / ማመልከቻ ሂደት ረጅም ግዜ ሊወስድ ይችላል። ምንም እንኳን አብዛኛዎቹ አገሮች ጉዳዩን በስድስት ወራት ውስጥ እልባት እንዲያገኙ የሚያደርጉ ቢሆኑም፤ ከፍተኛ የጥገኝነት ጥያቄዎች/ ማመልከቻዎች በሚበዙበት ሁኔታ ይህን ግዜ ያራዝሙታል።

የጥገኝነት ማመልከቻዎች ከባድና ውስብስብ ሊሆኑ ይችላሉ። አንዳንድ አመልካቾች ጥያቄአቸው ተቀባይነት ሲያገኝ ሌሎች ደግሞ ተቀባይነት አያገኙም። ይህም ማለት አለም አቀፋዊ ጥበቃ ወይም ከለላ ለማግኘት ሲሉ ያቀረቡትን ጥያቄ ውድቅ በማድረጉ አገሩን ለቀው እንዲሄዱ ይገደዳሉ። አንዳንዴም ወደ መጡበት አገር እስኪመለሱ ድረስ በእስር ቤቶች እንዲቆዩ ይደረጋሉ። ጥያቄያቸው ውድቅ የተደረገባቸው አመልካቾች ውሳኔውን በመቃወም ይግባኝ የማለት መብት አላቸው። ተቀባይነት ያገኙ ጥያቄቸው እንደገና ከመታየቱ በፊት የመኖርያ ፍቃድ በማግኘት ለተወሰኑት ጊዜ እንዲሰሩ ይደረጋል፡፡

የኢኮኖሚ ጥገኛ ኢኮኖሚያዊ አቅማቸው ለማሻሻል ወደ ሌሎች አገሮች ይሰደዳሉ። እነርሱ የጥገኝነት መብት ስለማይሰጣቸው በሕገ ወጥ መንገድ ከገቡ በሃላም በአውሮፓ ውስጥ ለመኖር አይችሉም። አብዛኛዎቹ የኢኮኖሚ ስደተኞች በአውሮፓ ውስጥ የተሻለ ገቢ/ገንዘብ ይግኛል ብለው በማመን ወደ ስደት ያመራሉ። ሆኖም ግን ወድያውኑ ስራ ለማግኘት ስለሚቸገሩ ያላቸውን የተበደሩቱን ዕዳ ለመክፈል ወደ ቤተሰቦቻቸው ገንዘብ ለመላክ አይችሉም፡

ምንም እንኳንአንዳንድ ስድተኞች በባህር ማዶ ስራ በማግኘት ስኬታማ ቢሆኑም ሌሎች ደግሞ ገበያው የሚፈልገውን የስራ እድል ለመቀላቀል መሰናክሎች ያጋጥማቸዋል። በአውሮፓ ያለው የቅጥር ሁኔታ በጣም ህግን የተከተለ ነው፡፡ ስራ ፈላጊዎች ተቀጥረው ለመሰራት ህጋዊ ማሰረጃዎች እንደነ ፓስፖርቶች፣ዲፕሎማዎችና የስራ ቪዛ ማግኘት አለባቸው። በአውሮፓ ውስጥ ያሉ ካምፓኒዎች ህጋዊ የስራ ፍቃድ የሌላቸውን ሰዎች መቅጠር አይችሉም። የልዩ ህግ አስከባሪ ወኪሎች ህጋዊ ያልሆኑ ሰራተኞች እንዳይቀጠሩ በካምፓኒዎች ላይ መደበኛ ቁጥጥር ያደርጋሉ።

በአንዳንድ የአውሮፓ አገሮች ያለው የስራ አጥነት ቁጥር በተለይ ዝቅተኛ የስራ ልምድና ትምህርት ወይም ብቃት ባላቸው ወጣቶች ላይ በጣም የላቀ ነው። አብዛኛው ግዜ ስደተኞች በአገራቸው ካለው የስራ አይነት ስለሚለይ በአውሮፓ ውስጥ ስራ ለማግኘት አስፈላጊውን ችሎታ ወይም ብቃት የላቸውም። ከባህር ማዶ ከአገራቸው ይዘውት የመጡ ችሎታ በቀጣሪዎቻቸው ዘንድ ተቀባይነት አያገኝም። ስራን ለማግኘት የሚኖርበትን አገር ቋንቋ መናገር ነፃፍ ያስፈልጋል።

ምንም እንኳን በአውሮፓ ያለው የክፍያ መጠን ከአብዛኛው የስደተኞች አገር ጋር ሲነፃፀር የላቀ ቢሆንም፤ የኑሮ ውድነት ደግሞ በጣም የላቀ ነው። በአውሮፓ ለእለት ኑሮ ለመኖርያ፣መጓጓዣና ምግብ የሚደረገው ወጪ በጣም ውድ ነው። ለምሳሌ በ2018 እ.አ.አ በዩናይትድ ኪንግዶም አንድ አባወራ ማለት የቤተሰብ አስተዳዳሪ በሳምንት በአማካይ 730 የኤሜሪካ ዶላር ወጪ አድርጓል። በሕገ ወጥ ስደት ምክንያት የሚያጋጥሙትን ገንዘብ ነክ ጉዳቶች ከዚህ መረጃ መገንዘብ ትችላላችሁ።

በአውሮፓ ህግ መሰረት ጥገኝነት ጠያቂዎች መኖርያ ቤት እንድያገኙ ይደረጋል። ምንም እንኳን እንዲህ በመደረጉ በገንዘብ ነክ ጉዳዮች ላይ እፎይታ ቢያስገኝም ስድተኞች ሌሎች መሰናክሎች ያጋጥማቸዋል። ጥገኝነት ጠያቂዎች በየት መኖር እንደሚፈልጉ ምርጫ አይሰጣቸውም። አንዳንዴም ከቦታ ወደ ቦታ እንዲንቀሳቀሱ ይደረጋል። አንዳንደቹ ባልበት አገር ውስጥ ሆነው ከጓደኞቻቸው ወይም ከቤተሰቦቻቸው ተለይተው በሩቅ ቦታ እንዲኖሩ ይገደዳሉ። በዚህም ምክንያት ብዙ ስደተኞች ብቸኝነት ወይ የመገለል ስሜት ያድርባቸዋል። ጥገኝነት ጠያቂዎች ጥያቄያቸው አንዴ ተቀባይነት ካገኘ በሃላ አስቀድሞ የተሰጣቸውን መኖርያ ቦታ በመልቀቅ የራሳቸውን መኖርያ ቤት እንዲፈልጉ ይደረጋሉ።
ሕገ ወጥ ስደተኞች ማረፍያ ቤት ለማግኘት የሚደረግላቸው እገዛ የለም። ይህም ማለት ወደ አውሮፓ ከገቡበት ግዜ ጀምሮ በራሳቸው የሚቆይበትን ቦታ የማግኘት ሃላፊነት አለባቸው። በአንዳንድ የአውሮፓ አገሮች የጋራ መኖርያ ቤቶች እጥረት ስላለባቸው ስደተኞች የግል መኖርያ ቤቶች ይከራያሉ። ይህም ኪራይ ውድ በመሆኑ አስፈላጊውን አቅርቦት የሌለው ቤት ብውድ ዋጋ ተከራይተው በመክፈል ለአካራይዎቻቸው ብዝበዛ ይጋለጣሉ።

ብዙ ሰደተኞች ወደ አውሮፓ በሚያደርጉት አደገኛ ጉዞ ጤንነታቸውና ደህንነታቸው አደጋ ውስጥ ይከታሉ/ይጥላሉ። ወደ አውሮፓ ከሚገቡት ህገወጥ ስደተኞችና ጥገኝነት ጠያቂዎች አብዛኛዎቹ የህክምናና የሰነልቦና እርዳታ ያስፈልጋቸዋል።

ጥገኝነት ጠያቂዎችና ህገወጥ ስደተኞች በብዙ የአውሮፓ አገሮች ነፃ የህክምና አገልግሎት ከማግኘት ይታገዳሉ። ህገ ወጥ ስደተኞች ነፃ ህክምና ማግኘት የሚችሉት ለአስቸኳይ /አጣዳፊና ለህይወት አስጊ ለሆኑ ህመሞች ብቻ ነው። ይህ ካልሆነ ግን የህክምና እርዳታ ለማግኘት መክፈል ያለባቸው ሲሆኑ ዋጋውም ከፍተኛ ገንዘብ ሊሆን ይችላል።

በአውሮፓ ብዙውን ጊዜ የዩኒቨርስቲ ትምህርት በነፃ ይሰጣል። ምንም እንኳን አንዳአንድ ስደተኞች ነፃ የትምህርት ዕድል በማግኘት ወደ ዩኒቨርስቲ ቢያመለክቱም ወይም የተማሪ ቪዛ በማግኘት ከአውሮፓ ውስጥ ቢማሩም ሌሎች ግን በአውሮፓ ዩኒቨርስቲዎች የሚጠየቁትን ውድ የትምህርት/የመማሪያ ክፍያ ለመክፈል አቅም የላቸውም። ይህ ሁኔታ

ስደተኞች በቂ ዕውቀትና ችሎታ ከማግኘት ስለሚያግዳቸው ከፍተኛ ክፍያ የሚያገኙበትን ስራ የማግኘት እድል የላቸውም። በዚህም ምክንያት አብዛኛዎቹ ስደተኞች በቂ ገንዘብ አግኝተው ራሳቸውን ለመቻል ሲሉ ብርቱ ጥረት ያደርጋሉ። ከዚህ መረጃ ጥንቃቄን ሕጋዊ አማራጮችን ለማወቅ ትችላላችሁ።

ቀደም ብሎ በአገራቸው ውስጥ እያሉ የተማሩት የስደተኞች ሙያን የሚጠይቅ ስራ ለማግኘት ሲፈልጉ አገራቸው ከሚገኙት የትምህርት ተቋሞች ህጋዊ በማስረጃ የተረጋገጠ የትምህርት መረጃ እንዲያቀርቡ ይጠየቃሉ። አንዳንድ ስራ ቀጣሪዎች ለሙያው እውቅና አይሰጡትም። ሆኖም ግን ስድተኞች የሙያቸውን መረጃ በሌላ ቋንቋ እንዲተረጎምና ተቀባይነት እንዲያገኝ ገንዘብ መክፈል ይኖርባቸዋል።

ከአውሮፓ ማህበረሰብ ጋር ለመቀላቀል ፈታኝ ሊሆን ይችላል። ምንም እንኳን ብዙ ስደተኞች በአውሮፓ ያለውን አዲስ ህይወት ቢለማመዱትም ሌሎች ደግሞ በቋንቋዎች ባህላዊ ልዩነት ምክንያት ከአካባቢው ማህበረሰብ አድልዎ ይደርስባቸዋል። ብዙ ስደተኛ ቤተሰቦች ለአገራቸው ባህል ያላቸው ከፍተኛ ዋጋ በመጠበቅ ከአዲሱ ባህል ጋር ለመቀላቀል አስቸጋሪ ነገር ሆኖባቸዋል፡፡

አንዳንድ ስደተኞች የመኖርያ ፍቃድ ከተሰጣቸው በሃላ ቤተሰቦቻቸውን ወድያውኑ ወደ አውሮፓ ለማምጣት ተስፋ ያደርጋሉ። ምንም እንኳን አንዳንድ ማመልከቻዎች ውጤታማ ቢሆኑም ቤተሰብ የማዋሃድ ወይም የማገናኘት አቤቱታ ረጅምና ጥብቅ የሆኑ ሂደቶች ውስጥ ያልፋል።ከዚህ መረጃ ስለቤተሰብ መዋሀድ ለማዋቅ ትችላላችሁ።

ብዙ ሕገ ወጥ ስደተኞች አውሮፓ ከገቡ በሃላ የጥገኝነት ጥያቄያቸው ውድቅ በመደረጉ ያለ ህጋዊ ቪዛ አውሮፓ በመግባታቸው ምክንያት በባለስልጣኖች ተይዘው ወደ አገራቸው ሊመለሱ ይችላሉ።

ከስደት ተመላሾች ወደ አገራቸው ከገቡ በሃላ ከማህበረሰቡ ጋር ለመቀላቀል ከባድ ፈተና ይሆንባቸዋል። በተለይም በባህር ማዶ ብዙ ዓመታት ያሳልፉ ከሆኑ አድልዎ ይደርስባቸዋል።
.
የሕገ ወጥ ስደት ሙከራ ካልተሳካ ስደተኞች በፀፀት ይሞላሉ። ለማይሳካ ጉዞ ጊዜና ገንዘብ ማባከናቸው ምክንያት ከዘመዶቻቸው ቁጣ እንደሚደርሰባቸው ይናገራሉ።።

ስደተኞች በፈረንሳይ

በአሁን ሰዓት በፈረንሳይ ሀገር በህገ ወጥ ስደተኛነት ይኖራሉ? በሌላ አነጋገር...
ተጨማሪ ያንብቡ

ህይወት በእንግሊዝ ሀገር

በህገ ወጥ መንገድ ወደ እንግሊዝ ሀገር ለመሄድ አስበው ይሆናል። ይሁንና ወደ...
ተጨማሪ ያንብቡ
ለሌላ ያካፍሉ